കെപിസിസി മൈനോരിറ്റി ഡിപ്പാര്ട്ട്മെന്റായിരുന്നു പരിപാടിയുടെ സംഘാടകര്. ഇന്ന് വൈകുന്നേരം 4 മണിക്കാണ് പരിപാടി സംഘടിപ്പിച്ചിരുന്നത്. എ കെ ആന്റണിയെ കൂടാതെ, സ്വാമി ഗുരുരത്നം ജ്ഞാന തപസി, ഡോ.വി.പി സുഹൈബ് മൗലവി തുടങ്ങിയ നിരവധിയാളുകളെ പരിപാടിയിലേക്ക് ക്ഷണിക്കുകയും ചെയ്തിരുന്നു. പരിപാടിക്ക് വിലക്കേര്പ്പെടുത്തിയതിന് വിശദീകരണവുമായി കെ പി സി സി രംഗത്തെത്തിയിട്ടുണ്ട്.
പുതിയ നേതൃത്വം വരുമ്പോള് അതിനെ അംഗീകരിക്കാന് നേതാക്കളും അണികളും തയ്യാറാകണം. അധികാരം കയ്യ് മാറാതെ മുന്പോട്ട് പോകാമെന്ന് വിചാരിക്കുന്നത് ജനാധിപത്യ പാര്ട്ടി ചേര്ന്നതല്ല. രമേശ് ചെന്നിത്തലയും ഉമ്മന്ചാണ്ടിയും അകന്നു നില്കുന്നത് ബുദ്ധിമുട്ട് ഉണ്ടാക്കുന്ന കാര്യമാണ്. അവരോട് നേരിട്ട് ഇക്കാര്യം വ്യക്തമാക്കിയതുമാണ്.